“أغنية أه م الجراح” لخالد الجمال
من ديوان أنا الدموع الذي تم طبعه وإصداره عام ٢٠٠٩ م
أيام العمر تهل تمر
م الليل والفجر
تعدينا تودينا تتوه بينا
في زمان وزمان
بقي ذكري في قلبي ترسينا
في الآه في المر
ليالي طويلة
وقلوبنا عليلة
مين يبكي عليها
مين يبكي علينا
جينا حاكينا حكاية عمر
تقرب منها يوم وتمل
هنحكيها نعيش فيها لما تهل
نرسيها نعود بيها للحب
لما الحب يحب الحب
من أول لحظة قابلته
ضحك الشوق وسمعته
شوفته بقلبي كلمته
كلمة في كلمة لقيت معانيها
في فرحتنا في سعادتنا
في الشوق اللي مدوب روحنا
علي باب الفجر المتهني
بشفايف فرحانة تغني
وقفت أدق الباب
رد اللي قلبه داب
لقيت لقا الأحباب
مقدرتش أقاوم
ولا قلبي يساوم
ولا ضيه غاب
ودخلت معاه
وسحرني هواه
بعيون ديبانا
في ضحكة وأه
عشت ليالي
كل لحظة فيها أنغام
حب و جالي
طيفه هارب م الأحلام
صحيت فيا مشاعر قلبي
سكنت فيا ولا بتقولي أي كلام
جاني الحب عملي في قلبي
محطة عشق بناها غرام
وتسير بينا
وتطير بينا
وف ليالينا
تفضي الشوق كأنه ما كان
طارق الحب
بين قلب وقلب
رسيت مراسيه
واللي هيقدر
يحكم ف الحب
فين نلاقيه
زي الضي السارح
زي أمبارح
لما تروح لياليه
في البحر يكون
ف السما هيمان
ف نور ف ضلام
الحب يبان
عيون بترافبه
وعيون بتعاتبه
وعيون بتقوله
كفايا غرام
مستكترين يا عيون
مستخسرين حب يكون
فارد جناحه في القلوب
جم هنا
زرعوا الآلام
في قلبي أنا
ليه أنا غريب أنا
وأنت هنا
يا حبنا ياللي أنت ضل لعمرنا
ليه سبتنا . ؟
وسبت جرح ف قلبنا
أه م الجراح
تبكي الجراح
ع اللي راح
وانتهي
تأليف الأديب الشاعر والسيناريست/ خالد الجمال من ديوان أنا الدموع
