من ديوان خارج الزمن لخالد الجمال
كان بأيدي
كان بأيدي يوم أقولك
بس لما بعدت عنك
شوقي عمره يوم ما نام
مهما راح بينا الغرام
هو شوق العمر يكفي
ولا نور الفجر يشفي
قلبي دايب في الألام
يا حبيب الروح يا قلبي
أوعي تقسي أو تخبي
إن قلبك هو قلبي
وتخفي جواك الكلام
الكلام اللي يشفي
يشفي جرح حبيب يحبك
فرحه إنه يبقي جنبك
كان بأيدي يوم أقولك
دنيا راحت من أيديا
والدموع ساكنة ف عنية
نفسي أرجع بالزمان
احكي أقول كل اللي كان
هو مين غيرك في قلبي
اللي يستاهلك يا حبي
مهما أداري مهما أخبي
نفسي يجي يوم أقولك
عمري كله عاش ف حبك
تأليف خالد الجمال
من ديوان خارج الزمن
