مين صح
سؤال محيرني
أجابته مجهوله
ومين يفهمني
ويفتح الصورة
الوانها مش باينة
باهتة ما تعرف
زايدة ما تعرف
أو منها مسحوبة
دايرة جوانا
فاردة أسبابها
بقولها بأمانا
دي صورة محسوبة
والعد تاه مني
والضرب و القسمة
والطرح كان بينا
أنفاسه محسوسة
الدنيا دوارة
ع القصر والحارة
دا اللي عاش عمره
زي اللي مات بدري
الكل دايقها
واللي ضيقها
مكانش له غاية
غير تبقي مقلوبة
الصح له علامة
مخفية ف قلوبنا
حالفة ما تظهر
إلا يوم عيدها
الوقت متأخر
وعيدها فات مني
واللي زعلني
أزاي أراضيها
وهي مرمية
ف سدري من بدري
ف امبارح الوردي
وعنية موصولة
ف صورة مخيولة
الشر عاتبني
والخير يهاجمني
و كأنه مش راضي
واللي شاغلني
ألاقي مين فاضي
يبص جوايا
يمكن يفهمني
الصح وعمايله
تأليف الأديب الشاعر خالد الجمال
من ديوان الدايرة دارت
