قصيدة أمتي يارب
من ديوان خارج الزمن .. للأديب الشاعر خالد الجمال
…………………
شغل العالم نفسه كتير
حروب ودمار بلا تفكير
نسيوا إن الله له أية
من غير شو ولا تصوير
………………….
قالوا ربيعنا عربي وهل
وف دنيتنا شغل الكل
شمسه هتطرح يوم شمساية
علي أزهاره مين هيمل
………………….
فرح الورد بس دموعه
سبقت ضحكه تهد ضلوعه
فتح عينه وسط حكاية
خرجت برا حدود موضوعه
……………….
البستاني مغلوب علي أمره
ملهي تملي ف كاسه وخمره
يبدأ قصة جوة رواية
فيها نهاية يومه وعمره
……………………
الإباحية ستار مكشوف
للي يجرب واللي يشوف
تجارة لعبة وبقت غاية
نسيوا الله ومنه الخوف
…………………
استغلال وسرقة كمان
رشوة تسطر ع الأبدان
علامة علينا زي الراية
تنهب منا زمان ومكان
…………………
الشائعات مصبوبة ف كاس
صارت لعبة لناس علي ناس
تمحي حقيقة وتعلا وشاية
بضمير ني ملوهش أساس
………………
لما كرونا زار أراضينا
من أعمالنا واللي علينا
يكتب لينا بإيدنا نهاية
مين هيفوق ويطهر فينا
……………….
أمتي يا رب نعود لله
و نلقي حياتنا تبقي حياة
نرسم بكرة أحلي بداية
وكل الشعب يقول الله
………………
الأديب الشاعر والسيناريست خالد الجمال
