متابعة د شادي غالي
ايه هو الحرس الثوري الإيراني و ما مدي قوته و سيطرته في ايران؟
في فرق جامد بين Islamic Revolutionary Guard CorpsوIslamic Republic of Iran Army
١-الجيش الايراني هو جيش دولة تقليدي جدًا.مهمته ببساطة: يحمي الحدود و يحارب لو في حرب خارجية ويدير قوات برية وبحرية وجوية و دفاع جوي بشكل كلاسيكي زي أي جيش في العالم وملوش دور سياسي مباشر وملوش إمبراطورية اقتصادية وملوش مشروع أيديولوجي.
٢-الحرس الثوري هنا بقى القصة مختلفة تمامًا الحرس مش مجرد جيش…الحرس اتأسس عشان يحمي “النظام نفسه”، مش البلد.
عنده قوات عسكرية مستقلة عن الجيش تبتع المرشد الاعلي مباشرة و ليس وزير الدفاع وماسك برنامج الصواريخ و المسيرات و النووي وعنده جهاز استخبارات بتاعه وعنده ذراع خارجي للعمليات بره إيران هي فيلق القدس وعنده شركات ومشروعات بمليارات و مسيطر تماما علي الحياة الاقتصادية في ايران
الجيش بيحمي الأرض
الحرس بيحمي النظام
و عشان تسيطر علي ايران و تحكمها لازم تسيطر علي الحرس الثوري و لا يمكن تحكم ايران بدون ما تحكم الحرس الثوري
