منوعات

“ذو الاصل الطيب طبعه يسبقه بالخير”

كتب: رامي عاشور نوفل


اللي قبلنا قالوا المباديء ما تتجزأش والمواقف بتبين  الاصيل وذو الاصل الطيب طبعه يسبقه بالخير



والحقيقة إن الموقف الواحد للاشخاص بيكشفلك دايما معدنهم يا اما دهب صافي يا اما نحاس، أكله الصدأ. 




ودي حقيقة واضحة لا مفر منها ولا يمكن الاختلاف عليها او الجدال فيها، بس ساعات الانسان من كتر مابيشوف سلبيات ومواقف مخجلة وخذلان من البشر 

بيبتدي يقفل عين القلب ويسمع لصوت العقل والحكمة 

ويغير بعض مفاهيمه للامور  والاشخاص والحياة نفسها

الزمن والوقت والحياة مابيغيروش الشخصية لانهم حاجات ثابتة في حياتنا مابيتغيروش، اللي بيغير الشخصية  البشر اللي حواليه 






لما تلاقي نفسك بتعطي من غير حساب  وفي المقابل مفيش تقدير ولا كلمة شكر  تنطقها عين الاشخاص قبل لسانهم 

لما بتلاقي نفسك بتغفر اخطاء وبدال ماتلاقي عدم تكرار الخطأ بتتفاجيئ انه بيتكرر عشان انت غفرت وعديت موقف ورا موقف 

لما بتلاقي نفسك بتفكر لوحدك وشايل الحمولة لوحدك وبتعدي عشان المركب ماتغرقش  وفي المقابل ده بتكتشف 

كأنك بتنفخ في بالون مخروم  لحد مايتقطع  نفسك وتتعب وتقع ومش هتلاقي اللي يسندك 

هنا انت مش بتتغير او بتبطل تعطي أو أصلك نفسه اتغير

هنا بتبتدي تعطي بحساب 

وبتفضل ذاتك علي غيرك 

وبتحاول ماتعديش الغلط عشان مايتكررش




انت مابتتغيرش ولا مبادئك بتتغير، انت بس بتفوق وتعيد ترتيب اولوياتك وبس

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى