قصيدة ….بص لنفسك لخالد الجمال
تأليف الأديب الشاعر والسيناريست/ خالد الجمال
بص لنفسك
بص لنفسك جوة مرايتك
وأسأل روحك ألف سؤال
من غير كدب ولا تزييف
ليه بتعادي الأديان
أصل شيطلنك قرر إنك تبقي معاه
صورلك أعداءك كفرة
والأديان مفهاش أحكام
ولا رحمة ولا حتي سلام
أتأمل في مرايتك لحظة
يمكن تقرا شئ جواك
لو معرفتش تقرا حقيقتك
ودارت جواك مصلحتك
وغرقت ف بحر الأوهام
يبقي أمبارح تايه منك
وبقيت عايش لهواك
ياللي سنين العمر معاك
بكرة تفوتك ونمشي وراك
وتودع كل الأفكار
وتودع كل الأخبار
الصالح والطالح منها
وتوه جوة الأسرار
قولي مجهز أيه لنهايتك
حقد ف قلبك
وللا ضغينة للإنسان
مش هما من جنسك برضو
وللا أنت خارج الأزمان
وشعارك دنيا وكلام
قولي هتاخود أيه وياك
طايرة دانة صاروخ يرعاك
أنت نسيت إنك إنسان
يتبرأ منك أتباعك
اللي يغرر واللي يساند
واللي يأمن واللي يساعد
كدبة كبيرة فيها بهتان
مين عالم سرك يا ترامب
النت ياهو وللا الله
ربي وربك الرحمن
ألبس وش لكل الناس
مهما كسيته أو غطيته
وشك زي السلوفان
القلب يشوف بعيون
غير عين وش الإنسان
