منوعات

كتب : رامي عاشور نوفل ” أحب الصالحين ولستُ منهم”

 

كتب : رامي عاشور نوفل



أُحب الصالحين ولستُ منهم .. 



ربنا بيقول فـ القرآن ” الطيبون للطيبات” واحد يقولي افرض انا كنت بعصي ربنا وتُبت هل ربنا برده مش هيرزقني بنص طيب ليا ؟! او حتي متوبتش وبحاول اصلح نفسي علي قد ما اقدر كدا ربنا هيبتليني ببنت مهياش كويسه صح ؟! أصل أنا عملت بلاوي و الآيه لو إتطبقت عليا !! ، يامصيبتي دة انا كدا ممكن اتجوز رقاصه ياعم؟او بنت بتعمل ذنب معين تقولي كدا هاخد شخص مُش محترم صح ؟! أقولك لاء ! ربنا ممكن يرزقك بنص صالح يِصلَحك، أو نُص تاني انت تصّلِحه، لان ” الطيبون للطيبات ” نزلت في النبي صلي الله عليه وسلم والسيده عائشه فقط،  ومُش مقياس لينا، واكبر دليل ان زوجة سيدنا لوط في النار ! وزوجة سيدنا اسحاق في النار برده، وزوجة سيدنا نوح في النار !! وزوجة فرعون في الجنه !!، وساعات تلاقي واحد ف عيتلكم غلبان وطيب وامك تقولك ياعيني ع الحلو لما تبهدله الأيام ” مِسم ” مراته قرشانه مطلعه عين اللي مخلفينه ربنا يصبره ع اللي هو فيه وتحس من كتر شفقتك عليه انك عاوز تكرمشله عشين جنيه ف جيبه




وممكن العكس تلاقي بنت عمك او بنت خالتك أو أمك، تقعد مع صاحبتها وتقلع الطرحه وتدعي على جوزها، إلهي يارب تتحبس الميه تحت منه، الهي يتحشر في كمين ما يخرج منه، دا بيتاجر فـ المُخدرات يا اوختشي والله



مطلع عين أبويا وبيحرمني وشتيمة وضرب ليل نهار، اذا مهياش مقياس يا صديقي، انا شخصيًا بحب الصالحين ولست مِنهم وبدعو الله يرزقني بشريكة حياتي اللي تصلحني، فاطمن ربنا هيعوضك بحد كويس مهما كُنت مقصر في حقه بس صَلح نفسك وادعي بصدق ! 


وكذلك انتي ربنا هيرزقك بـ شاب تقي صالح مهما قصرتي المُهم ترجعي لربنا وتدعي بصدق ” اللهم ان كُنت صالحه فارزقني شخصًا صالحًا مثلي، و أن لم اكن صالحه فاٍرزقني يا الله بمن يُحبني ويصلحني ” وان شاء الله حياتك تكون سعيده مع اللي ربنا يخترهولك، مادام سبتها عليه، لأن ديمًا اختياره بيكون الافضل والأنسب، أطمن

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى